Li gorî çapemeniya Fîlîstînê, Îsraîlê li Rojavayê Şerîa ya dagirkirî, li ser rêya ku bajarokên Attil û Zeyta ên li bakurê Tulkerimê bi hev ve girê dide, bi balafirek bêmirov êrîşî wesayîtekê kir.

Di encama êrîşê de agir bi wesayîtê ket û kesên di nav de jiyana xwe ji dest dan. Di nava 5 kesên mirî de, yek ji fermandarên Tugaya Îzzedîn El Kassam, Heysem Nureddin Bileydi jî heye. Tugaya Îzzeddîn El Kasam baskê leşkerî yê Hamasê ye.

Ajansa nûçeyan a fermî ya Fîlîstînê, WAFA ev agahî piştrast kirin. Artêşa Îsraîlê jî diyar kir ku di wesayîtê de berxwedêrên çekdar hene. Piştî êrîşê cenaze birin Nexweşxaneya Dewletê ya Sabit Sabit a li Tulkerîmê.