Piştî guşarên DYA’yê ya li ser Îranê û şûnde, li Îranê di serî de krîzên aborî, siyasî û civakî derketin pêş. Welat ji bo çareseriyê li ser hev dicivin û kom dibin.

Rêveberên daraz, rêveberî, qanûn û darizandinê di bin serokatiya Lîdarê Rûhanî Seyîd Alî Xamneyî de li ehv civiyan.

XAMNEYÎ MUKURHATINA KRÎZA ABORÎ KIR

Di civîna bi qasî du saet û nîv dom kir de Xamneyî ev tişt got: “Li gel çareserkirina pirsgirêkên aborî yên li welat, ji bo pêşwazîkirina pêwîstiyên bingehîn ên civakî, pêwîstî bi ked û hewldaneke yekcar mezin heye. Bi taybet ev pirsgirêk welatiyên ku dahata wan pir kême dixe nava zoriyên mezin.”

Xamneyî destnîşan kir ku divê endamên Desteya Koordînasyona Aboriyê biryarên diyar û zelal ên ji bo rakirina vê pirsgirêkê bigirin û got: “Ji bo derbaskirina pirsgirêkên mîna bankan, hêza kirînê, bikaranîn, enflasyon û pêvajoya buceyê, divê biryarên cidî û operasyonalî bên girtin.”

Xamneyî pêşniyar ji bo saziyên rêveberî, daraz û darezandinê û bi taybet li hikûmetê kir û got: “Divê guh bê dayîna kesên pêşketî û ekonomîstên birêz ên sektorên taybet ên ji bo rêyên çareseriyê.”

PIRSGIRÊKÊN KRÎZÊ KIR DU BEŞ

Xamneyî pirsgirêka aborî weke du beşên mîna ‘Pirsgirêkên aboriya hundir û çêkerî’ û ‘pirsgirêkên çavkaniya xwe ji guşarên DYA’yê girtî’ kir du beş. Xamneyî ev tişt got: “Divê ev her du beş baş bê nirxandin û serî li tedbîrên bi mentiq bên dayîn. Di encamê de gihiştina aramniya welat û çareserî dîtin û xeyalên dijminên guşar kirîn vala derxistin be.”