Ferhad Demir bi zaravayê goranî yê Kurdî mûzîk dike. Demir bixwe ji Agirî ye û zaravayê xwe Kurmancî ye û dibêje mûzîka bi zaravayên din ên Kurdî li dijî asîmîlasyonê helwesta girîng e. Demir dibêje ev 10 sa in li Agiriyê muzîkê dike, ev 3 sal in jî li Stenbolê muzîkê li kuçeyan dike. Demir go li gorî demên berê muzîka Kurdî li xwe şikandiye, ji ber sedema ku bi şaşî nêzîkatî li stranên berê tê kirin.

Demir got li Tirkiyê cara pêşî ew bi goranî distrîne û got, ''Min rîskek girt, rîska ku lê neyê guhdarîkirin. Lê dema ku li dema bihurî ya muzîka xwe dinerim armanca min a sereke ew e ku bi zaravayên din yên Kurdî jî muzîkê bidim guhdarîkirin. Ez bi ser jî ketim. Li Agiriyê gelek çapemenî bi vê re eleqedar bû. Gelek kesan gotin wan li stranê guhdar kiriye û pir jê hez kirine.''

Demir her wiha got li Tirkiyê bi salan e li dijî Kurdî asîmîlasyoneke giran heye û got, ''Di muzîka Kurdî de jî heke li dijî vê nebî xwedî helwest nayê maneya ku muzîkeke baş a Kurdî kiriye. Berê ji bo ku min muzîka Kurdî dikir gelek tiştên nexweş hatin serê min. Di hin stranên min de navê Kurdistanê derbas dibe, li vir raçînkên çandî jî hene.

Bingehekî vê siyasî nîne, çandî ye. Mînak ev qedexe ye. Ez nikarim vê bibêjim. Ez propaganda nakim tenê li dijî asîmîlasyonê muzîka bi Kurdî dikim.''