Tê diyarkirin ku vîrusa Korona ya ku li bajarê Wûhana Çînê derketiye holê û heta niha 130 kes ji ber wê mirine, 10 rojan beriya Rêxistina Tendirustiyê ya Cîhanê (WHO) hatiye tespîtkirin. Li gorî nûçeyeke kovara Wîred a li Emerîkayê ji sala 2014’an û vir ve ji bo tespîtkirina vîrusan algorîtmayeke bi navê BlûeDot hatiye çêkirin û vê algorîtmayê di dawîya meha Kanûnê de vîrusa Koronayê tespît kiriye. Ev algorîtma daxuyaniyên fermî yên bi 65 zimanan fêm dike û raporên derbarên nexweşiyên ji ber heywanan jî analîz dike. Li gorî nûçeyê algorîtma nîşanên belavbûna nexweşiyan û herêmên cografîk ên van nexweşiyan tespît dike.

Ev algorîtma dikare xwe bigihîne qeydên bilêtên ên hemû balefirxaneyên cîhanê û dikare tespît bike ku kesên ev vîrus li ba wan peyda bûne kîngê çûne ku derê. Tê diyarkirin ku vê algorîtmayê tespît kiriye ku wê vîrus li Wûhanê derkeve holê û piştre jî wê li bajarên Bangkok, Seûl, Taîpeî û Tokyoyê belav bibe.

Li gorî îddîayê ev daneyên BlûeDotê hatiye diyarkirin ku wê ev vîrus belav bibe, otorîteyên tendirustiyê û şîrketên balefirxaneyan jî hatine hişyarkirin. Tê ragihandin ku tu saziyan ev hişyariyên BlûeDotê nenirxandine û ev jî bûye sedem ku ji bo pêşîlêgirtina vîrusê 10 rojan dereng mane.