Navenda Ragihandinê ya YPG'ê, têkildarî mijarê daxuyaniyeke nivîskî weşand.

Di daxuyaniyê de işaret bi qonaxa dawî ya Pêngava Bagera Cizîrê ya bi navê 'Şerê tinekirina terorê' de hate kirin û hate gotin, derbên giran li çeteyên DAÎŞ'ê tên xistin.

Di dewama daxuyaniyê de hate gotin, "2'ê Çileyê, hêzên me li derdora bajarokê Hecîn û gundewarên Dêra Zorê li dijî çeteyên DAÎŞ'ê operasyon li dar xistin. Di encama van operasyonan de gelek kuştiyên çeteyan çêbûn, lê di derbarê hejmara kuştî û birîndarên çeteyan de agahiyên zelal bidest neketine. Di van operasyonan de hevrêyê me Mehmûd Helinc li dijî çeteyan bi lehengî şer kir û şehîd bû.

Nasnameya hevrêyê me yê şehîd wiha ye:

Nasnav: Mehmûd Helinc
Nav û paşnav: Mehmûd Resul
Navê dayikê: Necma
Navê bav: Weys
Cihê ji dayikbûnê: Kobanê
Cih û Dema Şehadetê: Dêra Zor / 2'ê Çileya 2019'an

Em ji malbata şehîd û gelê xwe re sersaxiyê dixwazin. Di şexsê hevrêyê xwe yê şehîd de em tevahî şehîdên xwe yên leheng bi rêzdarî bi bîr tînin."