Navenda Çapemeniyê ya Hêzên Ewlekariya Hundirîn a Bakur û Rojhilatê Sûriyê bîlançoya êrîşên dewleta Tirk a dagirker ên li dijî herêmê di du rojên dawî de eşkere kir. Navendê diyar kir ku ev êrîş sûcên şer in.
Hêzên Ewlekariya Hundirîn lîsteya avahiyên binesaziyê û saziyên xizmetguzariyê yên ku roja Yekşemê û Duşemê ji aliyê artêşa Tirk a dagirker ve li Bakur û Rojhilatê Sûriyê hatin bombebarankirin, eşkere kir.
Di daxuyaniya de hat diyarkirin ku bombebarankirina cihên sivîlan, binesazî û navendên xizmetguzariyê li gorî hiqûqa navneteweyî sûcê şer e.
Di daxuyaniyê de tesîsên binesaziyê, saziyên xizmetguzariyê û noqteyên sivîl ên di encama êrîşên dewleta Tirk de xisar dîtine, ev agahî hatin dayîn:
“Îstasyona petrolê ya Udê, îstasyona ceyr û ceyranê ya Siwêdiyê, 11 bîrên petrolê,
Stasyonên ceyranê yên Dirbêsiyê, Amûdê, Tirbespiyê, Qamişlo, Kobanê, Eyn Îsa û Rimêlan,
Li Amûdê Aşxaneya Dirbasê
Li Dirbêsiyê Navenda Temwinê
Li Tirbespiyê Navenda çandiniyê
Li gundewarê Til TemirêDepoyên genim
Li Qamişlo Şîrketa Nêrgiz, embara malzemeyên avahîsaziyê
Li Dêrikê Bendava Başût
Li Kobanê çandiniya dewaran
Li Kobanê Depoya genim
Li Qamîşlo Kargeha Tahinî û Halvayê
Li Dêrikê dibistana ajotinê
Gir Dahol, Gir Şêran, Gir Kendal, Şirk, Berkeviê, Quneytîra, Şamsûr, Heremê Şêxo, Xatûniyê, Um Kêf, Til Tewîl, Esediyê, Dada, Ebdal û Mişêrfê yên Kantona Cizîrê.
Gundên Xirbêsan, Şêx Çoban, Çelebiyê yên Kobanê û Eyn Îsa,
Gundên Minix û Eyn Deqnê yên Şehbayê.”
