7′emîn kongreya PYD′ê li Navenda Çand û Hunerê ya bajarokê Rimêlanê ya girêdayî navçeya Girkê Legê hat lidarxistin.

Di kongreyê de,  Hevserokatiya PYD′ê, KNK, Saziya Malbatên Şehîdan, TEV-DEM′ê, Kongreya Star, YPG′ê, Federaliya Bakurê Sûriyê, MSD′ê, Hevserokatiya Rêveberiya Xweser a Kantona Cizîrê, Meclîsa Sivîl a Reqayê, Meclîsa Rêveberiya Xweser a Şengalê, Desteya Koordînasyona Niştîmanî-Tevgera Guhertin a Demokratîk, Partiya Hevbendiya Demokratîk a Kurdistanî, Kombûna Çepger û kesayetên demkratîk, Meclîsa Sivîl a Minbicê, Partiya Yekîtiya Suryanî, Partiya Demokratîk a Kurd li Sûriyê, Meclîsa bajarê Girê Spî, Meclîsa Sivîl a Tebqayê, Meclîsa Dêra Zorê, Partiya Modernîteya Demokratîk a Sûrî, Desteya Niştîmanî ya Erebî, Partiya Vîna gelan û Yekîtiya Rewşenbîran a Rojavayê Kurdistanê ve axaftin hatin kirin û peyamên KCK /KJK′ê hatin xwendin.

Piştre jî peyamên pîrozbahiyê yên  KCD/HDP′ê, Partiya Gelên Demokratîk (HDP), Partiya Cimhûrî ya Kurdistanî, Yekîtiya Oldarên Kurdistanî, Partiya Demokratîk a Kurdistanî-Îran, Partiya Sêrêza ya Yewnanî, KODAR, Partiya Jiyana Azad a Kurdistanî (PAJK), Partiya Demokratîk a Kurdistanî-Sûriye (El-Partî), Partiya Guhertin a Demokratîk a Kurdistanî, Meclîsa Ciwanên Sûriye Demokratîk,Partiya Hakim a Rûsya, MLKP, Partiya Azadî, Saziya Yekîtî û Piştgiriya Gelan (SYPG), Polîpburoya Tevgera Demokratîk a Gelê Kurdistanê, Tevgera Nûkirin a Kurdistanî, Rêxistina Hevbeş, Partiya Azadî ya Kurdistanî, Partiya Yekîtî ya Demokratîk li Sûriyê (Yekîtî), jinên Dêrazorê û Reqayê, Meclîsa Ciwanên Sûriyeya Demokratîk, Partiya Komunîst a Kurdistanî,  Partiya Biratî ya Kurdistanî, Partiya Kombûna Niştîmanî ya Kurdistanî, Rêxistina Mafên Mirovan a Kantona Cizîrê, Rêxistina Aşûrî ya Demokratîk, Partiya Çep a Demokratîk a Kurd li Sûriyê, Partiya Aştiya Demokratîk a Kurdistanî, Partiya Çep a kurdî li Sûriyê, Partiya Pêşverû ya Kurdî li Sûriyê, Partiya Wîfaq a Demokratîk a Kurd li Sûriyê, Partiya Demokratîk a Kurd li Sûriyê, Partiya Lîberal a Kurdistanî, Meclîsa Rûspiyên Êlan û Yekîtiya Nivîskarên Kurd li Sûriyê hatin xwendin.

Ji bo rêvebirina roja yekem dîwanek ji 5 kesan hat avakirin. Piştre jî perspektîfên Rêberê gelê Kurd Abdullah Ocalan ên di derbarê siyaseta demokratîk de hatin xwendin.

Di berdewama kongreyê de raporên du salan ên Hevserokatiya PYD′ê, Meclîsa Giştî ya partiyê û çalakiyên jinê di nava partiyê de hatin xwendin. Bi vê yekê roja yekem a kongreyê bi dawî bû û dîwana rêvebirina roja duyem jî hat hilbijartin.

Tê payîn ku wê di roja duyem de bernameya siyasî û rêziknameya PYD′ê bêne xwendin û nîqaşkirin. Piştre jî wê Meclîsa Giştî ya partiyê were hilbijartin.