Di şerê şevê dî de yê li eniyên rojava, rojhilat û bakurê Reqayê  21 çete hatin kuştin û 50 sivîl hatin rizgarkirin.

Pêngava Rizgarkirina Reqayê di roja 73`an berdewam dike. Di vê çarçoveyê de duh bi şev li taxa Mensûra a dikeve rojhilatê Reqayê di navbera şevanên QSD`ê û çeteyên DAIŞ`ê de şer çêbû. Di encamê de 7 çete hatin kuştin û heyanî niha şer didome.

Her wiha li taxa Reşîd a rojhilatê Reqayê şer qewimî û di encamê de 6 çete hatin kuştin. Li taxa kevn a Reqayê jî nêzî nexweşxaneya zarokan çeteyan xwestin bi wesayeteke bombebarkirî êrîşî şervanên QSD`ê bikin. Wesayeta bombebarkirî negihîşte hedefa xwe û ji aliyê şervanan ve hate rûxandin.

Li rojavayê bajêr li taxa Deriyê jî di encama şereke demkurt  de 5 çete û li taxa El-Berîd a bakurê Reqayê jî 3 çete hatin kuştin û wesayeteke bombebarkirî hate ruxandin.

Di operesyona paqijkirinê ya li Taxa Nezlit Şehadê de jî şervan rastî tûnelek din a çeteyên DAIŞ`ê hatin.

Her wiha tîmên taybet ên QSD`ê yên sivîlan rizgar dikin, 50 sivilên dîtir ji çeteyên DAIŞ`ê rizgar kirin.