Çeteyên hikûmeta Şamê duh bi sibê ji rojavayê peravê Çemê Firatê êrîş rojhilatê Dêrazorê kir. Hêzên Sûriya Demokratîk (QSD) bersiva êrîşê da.

QSD’ê diyar kir ku di bersivandinê de 19 çete hatine kuştin û 20 jî birîndar bûne. QSD’ê got, 3 şervan û 4 sivîl şehîd bûne.

Di daxuyaniya Navenda Ragihandin û Çapemeniya QSD`ê de nasnameya şehîdan hate eşkerekirin.

Daxuyaniya QSD’ê wiha ye: "Di bersivandina hêzên me de ya êrîşên çeteyên rejîma Sûriyeyê li dijî rojhilatê Dêrazorê, 3 şervanên me şehîd bûn. Hêzên me êrîş û hewldanên têkbirina ewlehiya herêmê têk birin.

Hevalên me Demhat Qamişlo (Tamir Ehmed Îbrahîm), Baran Dêrik (Ciwan Remadan Murad) û Ezam Hesekê (Xalid Horan El Etiye) ji bo ku çeteyên rejîma Sûriyeyê derbasî herêmê nebin, canê xwe feda kirin, gelek ji wan kuştin û birîndar kirin.

Em sersaxî ji malbatên her sê şehîdan dixwazin. Baweriya me bi hêzên me xurt e ku dikarin tevahî komplo û planên li dijî herêmê têk bibin. Em ê hêvî û xewnên hevalên xwe di azadiyê û serkeftinê de bînin cih."

Agahiyên li ser nasnameyên şehîdan wiha ne:

Nasnav: Demhat Qamişlo

Nav û paşnav: Tamir Ehmed Îbrahîm

Navê dayikê: Zehra

Navê bav: Ehmed

Cih û dîroka ji dayîkbûnê: Qamişlo 1998

Cih û dîroka şehadetê: Dêrazor, gundê Herdob, 29`ê Cotmeha 2023

 

Nasnav: Baran Dêrik

Nav û paşnav: Ciwan Remadan Murad

Navê dayikê: Biyan

Navê bav: Remadan

Cih û dîroka jidayîkbûnê: Dêrik 1999

Cih û dîroka şehadetê: Dêrazor, gundê Herdob, 29`ê Cotmeha 2023

 

Nasnav: Ezam Hesekê

Nav û paşnav: Xalid Horan El Etiye

Navê dayikê Eliye

Navê bav: Horan

Cih û dîroka jidayîkbûnê: Dêrazor 1993

Cih û dîroka şehadetê: Dêrazor, gundê Herdob, 29‘ê Cotmeha 2023