Navenda Ragihandin û Çapemeniya Hêzên Sûriyeya Demokratîk (QSD) îro bi daxuyaniyekê nasnameyên 3 şervanan aşkera kir. QSD’ê anî ziman ku hevreyên wan di berxwedana li dijî êrîşên dagirkeriya Tirk a bi ser Eyn Îsayê de şehîd bûne.

Di daxuyaniyê de wiha hat gotin:

“Hêzên me, operasyonên xwe li dijî rêxistina DAÎŞ’ê ya terorîst didomîn û di heman demê de êrîşên dagirkeriya Tirk û çeteyên wê yên li dijî seranserê Bakur û Rojhilatê Sûriyeyê têk dibe.

Şervanên me, bi lehengî êrîşên dagirkeriya Tirk têk dibin û derbeyên giran li rêxistina DAÎŞ’ê ya terorîst didin û hucreyên wê yên veşartî ji hev de dixin, piştî Pêngava Mirovî û Ewlehiyê ya li Kampa Holê bi encam bû, êrîşên dagirkeriya Tirk û çeteyên wê li dijî hêzên me zêdetir bûn.

Di dema têkbirina êrîşên dagirkeriya Tirk de, 3 hevrêyên me piştî ku bi xwîna xwe destanên fedakariyê nivîsîn û heta dawiyê di çeperên şer de li ber xwe dan, gihîştin asta şehadetê.

Hevrêyên me Îbrahîm Mihemed Berho (Gîvara), Ehmed Hemed El Şawî (Zagros) û Hecî Xelîl Mihemed (Çiya Kobanê) di encama êrîşa balafireke bêmirov û biçek a dagirkeriya Tirk a li dijî Eyn Îsayê de, şehîd bûn.

Em sersaxiyê ji xwe û malbatên her sê şehîdan û tevahiya gelê xwe re dixwazin û soz didin ku em ê tola xwîna wan a paqij hilînin û li ser şopa wan heta pêkanîna armanc û hêviyên wan li têkoşînê dewam bikin.

Nasnameyên şehîdan wiha ne:

Nasnav: Gîvara

Nav û paşnav: Îbrahîm Mihemed Berho

Navê dayikê: Fatme

Navê bav: Mihemed

Cih û dîroka jidayikbûnê: El Melha 2003’ê

Cih û dîroka şehadetê: Eyn Îsa 16’ê Îlona 2022’yan

Nasnav: Zagros

Nav û paşnav: Ehmed Hemed El Şawî

Navê dayikê: Firyal

Navê bav: Hemed

Cih û dîroka jidayikbûnê: Reqa /1998

Cih û dîroka şehadetê: Eyn Îsa 16’ê Îlona 2022’yan

Nasnav: Çiya Kobanê

Nav û paşnav: Hecî Xelîl Mihemed

Navê dayikê: Xanim

Navê bav: Xelîl

Cih û dîroka jidayikbûnê: Kobanê /2000

Cih û dîroka şehadetê: Eyn Îsa 16’ê Îlona 2022’yan“