Operasyona Reqayê: Şerekî giran diqewime
Çeteyên DAIŞ'ê êrîşî çeperên şervanên QSD'ê yên li taxa Qadîsiyê kirin. Şervanan bersiv dan êrîşê û şerekî dijwar dest pê kir. Şer hê jî dewam dike.
Operasyona Rizgarkirina Reqayê di roja 20. de ye. Çeteyên DAIŞ'ê ji bo bikevin nava taxa Qadîsiyê ya li rojavayê Reqayê, êrîşî çeperên şervanên Hêzên Sûriyeya Demokratîk (QSD) kirin.
Şervanên QSD'ê bersiv dan êrîşê û li taxê şerekî giran dest pê kir.
Di vî şerî de, ku hê didome, çekên giran tên bikaranîn. Li gorî agahiyên ji herêmê hatin girtin, li taxê dengê teqîneke mezin hatiye.
