Heyeta ji oldarên Misilman, Êzidî Xiristiyan yên Bakurê Sûriyeyê pêk dihat, ji bo piştgirî bidin Berxwedana Serdemê ya Efrînê ketibûn ser rê, gihiştin Efrînê. Oldaran anîn ziman ku wê heta dawî li pişt pişta gelê Efrînê be.
Heyeta Oldaran a piştî gihişte Efrînê piştgiriya xwe ji bo berxwedanê diyar kirin û şûnde bi Yekîtiya Kar û Barên Olî ya Efrînê re çûn serdana Goristana Şehîd Avesta Xabûr.
Li goristanê axaftin hatin kirin. Destpêkê Hevserokê Kombûna Olan a Herêma Cizîrê Şêx Mihemed El-Qadirî axivî û got ku gelê Efrînê bi hemû hêza xwe parstina azadiya xwe dikin û rê nadin dewleta Tirk ku herêmên wan dagir bikin û ev tişt anî ziman: “Em ê heta dawî piştgiriya berxwedana Efrînê bikin.”
Li ser navê Ola Xiristiyan jî Hena Somer axivî û wiha got: “Xwîna şehîdan a pîroz li ser xaka pîroz rijiyaye. Em îro hatine Efrînê ji bo ku em piştgiriya bajarê Zeytûnan bikin. Em ê bi hemû hêza xwe li pişt berxwedana Efrînê bin.”
LI ser navê Navenda Oldarên Misilman a Herêma Cizîrê Nasiredîn Betrêl axivî û dua ji berxwedana Serdmeê re kir. Nûnerê pêkateyên Êzîdî Şêx Mihemed Kalo jî bi zimanê Kurdî qewl û duayên Êzdî xwendin.
Paşê Serokê Yekîtiya Kar û Barên Olan a Efrînê Hecî Fêsel hebeş jî axivî û bal kişan ku gelê Efrînê bi hemû pêkhateyên xwe ve parstina xaka xwe dikin û wiha dom kir: “Şervanên me bi fedekarî canê xwe feda kirine û herêmên xwe diparêzin. Îro em li ser gora Şehîd Avesta Xabûr in, wê ji bo azadiya herêmê canê xwe feda kir.”
Piştî axaftinan û şûnde heyetê berê xwe da Nexweşxaneya Avrîn û rewş sivîlên ku di encama topbaran û bombebarana artêaş Tirk de birîndar bûne pirs kirin û ji birîndaran re şifa xêrê xwestin.
Di dawiyê de endamên heyetê li nexweşxaneya Avrîn xwîn dan, tê payîn ku sibe heyet di derbarê serdana xwe de daxuyaniyekê bidin.
