Êrîşên dewleta Tirk ên li dijî Efrînê di roja duyemîn de didome. Daxuyaniyên gilover ên hêzên navnetweyî jî rê li ber qetlîama sivîlan vedike. Di du rojan de dewleta Tirk di êrîşên xwe de nêzî 20 kes qetil kir.

Berdevkê Wezareta Karê Derve yê DYA’yê Heather Naûert banga ‘Îtîdal’ê li dewleta Tirkiyeyê kir û got, “Di vê çarçove û maweya operasyonê bi sînor be. Divê kesên sivîl jiyana xwe ji dest nedin. Em ji ber rewşa sivîlan bi fikar in’

Elmanyayê jî têkildarî êrîşên li dijî Efrînê daxuyanî da. Wezîrê Karê Derve yê Elmanyayê Sîgmar Gabrîel jî got ku, “Em ji pêşveçûnên li Bakurê Sûriyeyê bi fikar in. Di şer de yê di navbera Tirkiye û hêzên Kurdan de rîskên mezin hene.”