Nasnameya 5 şehîdên li Reqa û Dêra Zorê hatin eşkerekirin
YPG'ê nasnameya 5 şervanên xwe yên li Reqa û Dêra Zorê di navbera 10-12'ê Îlonê de şehîd bûn eşkere kir.
YPG'ê nasnameya 5 şervanên xwe yên li Reqa û Dêra Zorê di navbera 10-12'ê Îlonê de şehîd bûn eşkere kir.
Di daxuyaniya Navenda Ragihandinê ya YPG'ê de hat gotin, "Pêngava Rizgarkirina Reqayê û Pêngava Bagera Cizîrê ya li bakurê Dêr Ez-Zorê hatin destpêkirin, bi xurtî dewam dikin. Operasyona Reqayê roj bi roj serketinê misoger dike. Di encama şerê giran de li Reqayê ku bi piranî di bin kontrola QSDê de ye meşa serketî didome. Her wiha, Pêngava Bagera Cizîrê ya bi armanca rizarkirina bejahiya li bakurê Dêr Ez-Zorê ji çeteyan hate destpêkirin, di roja xwe ya pêncemîn de ye. Şervanên QSDê, bi pêşengtiya YPG û YPJ'ê, ji du baskan ve heya niha zêdetirî 50 kîlometran bi pêş ve çûne."
Daxuyaniyê wiha dewam kir: "Operasyonên ku ji bo tinekirina terorîzma DAIŞê tên meşandin, her ku ber bi armancên tekez ve diçe, bi xwe re êrîşên hîn hovanetir yên çeteyan jî tîne. Çeteyên DAIŞ'ê yên ku ji van bajaran rêya revê nabînin serî li rêbazên êrîşên întîxarî didin. Tevî ku gelek ji van êrîşan hatine pûçkirin, di navbera 10 û 12'ê Îlonê de li her du navendan; li Dêr Ez-Zorê çar, li Reqa jî yek heval gihiştine şehadetê."
YPG'ê sersaxî ji malbatên şehîdan û gel re xwest û destnîşan kir, ku wê heta serketinê li ser şopa şehîdan be.
Li gorî daxuyaniyê, nasnameya şehîdan wiha ye:
Nasnav: Agirîn Şedadê
Nav û Paşnav: Ruqiya Salih
Navê Dayikê: Sara
Navê Bav: Mihemed
Cihê Ji Dayikbûnê: Şedadê
Cih û Dîroka Şehadetê: Gundê Salhiyê, Dêrzorê 10-09-2017
Nasnav: Akif Berxwedan
Nav û Paşnav: Beşîr Hemîd
Navê Dayikê: Xensa
Navê Bav: Hemîd
Cihê Ji Dayikbûnê: Til Temir 1997
Cih û Dîroka Şehadetê: Gundê Salhiyê, Dêrzorê 10-09-2017
Nasnav: Brûsk Rojhilat
Nav û Paşnav: Kajîn Yasînzade
Navê Dayikê: Nadiya
Navê Bav: Qasim
Cihê Ji Dayikbûnê: Ûrmiye
Cih û Dîroka Şehadetê: Reqa 12-09-2017
Nasnav: Koçber Til Temir
Nav û Paşnav: Emîr Hemade
Navê Dayikê: Bedra
Navê Bav: Hemîd
Cihê Ji Dayikbûnê: Til Temir
Cih û Dîroka Şehadetê: Gundê Salhiyê, Dêrzorê 10-09-2017
Nasnav: Şerzan Amed
Nav û Paşnav: Vedat Sarı
Navê Dayikê: Suna
Navê Bav: Esad
Cihê Ji Dayikbûnê: Amed
Cih û Dîroka Şehadetê: Gundê Salhiyê, Dêrzorê 10-09-2017