Şervan û xebatkarên Navenda Ragihandinê ya YPG’ê li eniyên pêngava rizgarkirina Reqayê bi çek û kamêrayên xwe li ser şopa Ragihandina Azad ji bo nîşandana rastiyê têdikoşin. Navenda Ragihandina YPG pêşveçûnên leşkerî yên li dijî çeteyên DAIŞ’ê ji nêzîk ve dişopîne, di oxira vê erka pîroz de ji 2014’an ve heta îro hejmarek ji endamên navendê gihiştine şehadetê.

Navenda Ragihandinê ya YPG’ê çîroka jiyan û şerê şervanên Kurd, Ereb, Asûrî û enternasyonal bi çend zimanên cûda vedibêje. Li kêleka xebatên xwe yên leşkerî, Navenda Ragihandinê ya YPG’ê her wiha hewl dide astengiyên li beramber welatiyên ku ji destê zilm û terorê rizgar dibin bi amûrê xwe yê ragihandin û çapemeniyê bigihînin cîhanê û ji kesên hatine bêdengkirin re bibin dengek.