Li Qamişloyê ji bo Ocalan meşa bi meşale
Li dijî tecrîda girankirî ya li ser Rêberê Gelê Kurd Abdullah Ocalan meşekî meşaleyî hate lidarxistin.
Li dijî tecrîda girankirî ya li ser Rêberê Gelê Kurd Abdullah Ocalan meşekî meşaleyî hate lidarxistin.
Di bin durişmeya ʺWelat welatê me ye û tolhildan soza meyeʺ de bi sedan ciwanên Rojava li bajarê Qamişlo meşeke bi meşaleyan lidarxistin. Ciwanan di meşê de doza azadiya Rêberê Gelê Kurd Abdullah Ocalan kirin û tecrîda ku ji aliyê desthiladarên Tirk ve hatiye ferzkirin şermezar kirin. Ciwanan soz da ku wê heta rizgarkirinê tekoşîn û berxwedana xwe mezintir bikin.
Meş bi beşdarbûna sedan endamên YCR, Ciwanên PYD û sedan kesî ve pêk hat, ji pêşiya Navenda Çand û Hunerê ya Mihemed Şêxo destpê kir.
Ciwanên ku meşele di desê wan de hebû, wêneyên Rêberê Gelê Kurd Abdullah Ocalan û alên YPG/YPJ`ê rakiribûn, her wiha bê navber durişmeyên dilsoziya bi Ocalan beriz dikirin. Meşvanan siyasetên hikûmeta Tirkiyê û PDKʹê jî şermezar kirin.
Meşvanan di kolanên sereke re meşiyan û heta Taxa Hilêliyê meşava xwe dewam kirin û li pêşiya navenda Ciwanan a li taxê dawî li meşê anîn.
Li vir meşvan kom bûn û axaftin hatin kirin. Piştre Endama Yekîtiya Ciwanên Rojava (YCR)Agirî Qamişlo axivî û wiha got: ʺDewleta Tirk bi salane zilmê li ser gelê Kurd dide meşandin. Li dijî hemû êrîşan em ê bi vîn û berxwedanê hemû êrîşên dewleta Tirk bişkînin.”.
Agirî diyar kir ku ciwan dê asta têkoşîna xwe li dijî faşîzma Tirk û APK`ê bilind bikin û wiha got: ʺ Bila Erdogan zanibe ku gelê kurd li hemberî kiryarên wî bê deng namîne.ʺ
Agirî destnîşan kir ku Tirkiyê bi rêya siyasetên xwe û ferzkirina tecrîda li ser Rêberê gelê Kurd Abdullah Ocalan dixwaze derbeyê li Projeya Demokratîk a Ocalan ku gelên Rojava û Bakurê Sûriyê pêkanîne, bide. Her wiha dixwaze bi vê yekê desthilatdariya xwe li herêmê bike û fîtneyê di navbera pêkhateyan de bafrîne.
Agirî Qamişlo di dawiya axaftna xwe de diyar kir ku ew wek ciwanan wê her tim li ser rêya Şehîdên Rojava û giştî Kurdistanê bi meşin û tevahî dijminan li ser xaka Rojava derbixin.
Meş bi qêrîna durişmeyên daxwaza azadiya Rêberê Gelê Kurd Abdullah Ocalan ve bi dawî bû.