Hêzên Ewlekariya Hundirîn ragihand ku li Qamişloyê wan agirbesteke mayînde îlan kirine. Di daxuyaniyê de diyar kirin ku biryara agirbestê bi hevkariya QSD û Rûsyayê de hatiye stendin.

Di daxuyaniyê de ev tişt hate diyarkirin:

"Bi garantiya Hêzên Sûriyeya Demokratîk û hêzên Rûsyayê agirbesteke mayînde hate ragihandin, Bi şertê ku tu binpêkirinên ji aliyê milîsên Dîfaa El-Wetenî li hemberî hêzên me çênebin.

Şêniyên taxa Teyî yên ku ji ber şerê ku van milîsan derxistine, ji malên xwe derketin û dixwazin vegerin dikarin, sibe duşemê (26'ê Nîsanê) serî li nuqteyên me yên ewlehiyê bidin da ku derbasbûna wan û milkên wan ewle bikin.

Em Hêzên Ewlekariya Hundirîn a Bakur û Rojhilatê Sûriyeyê teqez dikin ku parastina şêniyan erkên me yên sereke ne, şêniyên taxa Teyî beşek sereke ji bajarê biratiyê û jiyana hevbeş bajarê Qamişlo ne. Em soz didin ku em ê di parastina jiyaneke ewle û bi rumet ji bo wan de berdêlên giranbuha bidin."