Kongreya Star duh li taxa Enteriyê ya bajarê Qamişlo ji bo şermezarkirina tecrîda li ser Rêberê Gelê Kurd Abdullah Ocalan û diyarkirina rewşa wî, çalakiya greva birçîbûnê dabû destpêkirin.

Çalakî di roja duyemîn de bi beşdariya gelên Dêrikê, Til Temirê, Tirbespiyê, Şedadê û Dirbêsiyê didome.

Li bin kon Hevseroka Meclîsa TEV-DEM′ê a Dêrikê Hîva Hesen, Endama Rêveberiya Navenda Aboriya Jinê a Hesekê Merwa Ehmed û koçbera ji bajarê Reqayê Îmiyan Ebudulhadî axivîn.

Di axaftinan de komploya navneteweyî ya li dijî Ocalan hate şermezarkirin û hat gotin ku gelên herêmê bi fikir û felsefeya Ocalan têdikoşin.

Piştre li nirxandinên Ocalan yên derbarê azadiya gelên bindest hat guhdarîkirin.

Çalakî bi serdana nûnerên saziyên civaka sivîl û partiyên siyasî didome.