Bi boneya 4’ê Nîsanê rojbûna Rêberê Gelê Kurd Abdullah Ocalan ji aliyê Hêzên Ewlekariya Hundurîn a Bakur û Rojhilatê Sûriyeykê ve li herêma Firatê bi dirûşmeya “Rojbûna Rêber Ocalan, Vejîna Jiyana Azad” pîrozbahî hat lidarxistin.

Pîrozbahî bi deqeyek rêzgirtinê destpê kir. Piştî rêzgirtinê Endama Koordînasyona Kongra Star a Herêma Firatê Macîde Hesûn axivî. Hesûn anî ziman ku roj rojbûna şaristaniya demokratîk e û rojbûna jiyanake nû ye û wiha got: “Em berxwedana Rêberê Gelê Kurd a li zîndana Îmraliyê silav dikin. Rêbertî ji bo avakirina jiyan û civakeke exlaqî û polîtîk bêyî navber têkoşiya û felsefeya xwe pêşkêşî gel kir.”

Endama Asayîşa Jin Nûdem Mustefa Xelîl jî diyar kir ku rojbûna Rêberê Gelê Kurd Abdullah Ocalan, rojbûna tevahî mirovahiyê ye û anî ziman ku roja 4’ê Nîsanê roja azadiya jinê û serketinê ye.

Piştî axaftinan Rêveberiyên Asayîşê hatin xelatkirin û hunermendên Çand û Hunera Baqî Xido û Hîlala Zêrîn derketin ser dîkê.

Her wiha li navçeya Sirînê ya Kobanê jî ji aliyê Meclîsa Malbatên Şehîdan a herêma Firatê ve bi boneya 4’ê Nîsanê ji bo zarokên şehîdan pîrozbahiyek hat lidarxistin.

Pîrozbahî bi pêxistina mûn ji aliyê zarokan ve û bi deqeyekî rêzgirtinê destpê kir. Hevseroka Meclisa Malbatên Şehîdan a Navçeya Sirînê Behiyê El Elî axivî. El Elî bal kişand ser armanca pîrozbahiyê û diyar kir ku wê pîrozbahiyê ji bo şadkirina dilên zarokên şehîdan lidarxistine.

Piştî axaftinan pîrozbahî bi stranên koma Navenda Çand û Hunerê ya navçeya Sirînê ve berdewam kir. Pîrozbahî bi dirûşmeya “Bê Serok jiyan nabe” bi dawî bû.