Rêxistina Partiya Yekîtiya Demokratîk (PYD) a Şêxmeqsûd hemleya komkirina îmzeyan di 25`ê Mijdarê de ji bo diyarkirina rewşa tenduristî ya Ocalan dest pê kiribû. PYD`ê îro bi daxuyaniyekê hemleya xwe bi dawî kir û got ku wan 9 hezar û 800 îmze ji bo Ocalan kom kirine.

Daxuyanî li pêşiya Navenda PYD`ê ya Şêxmeqsûd û bi amadebûna endamên partiyê, ji aliyê Endama Rêveber Narîn Mûsa hate xwendin. Di daxuyaniyê de hate diyarkirin ku ev kampanya li taxên Şêx Mexsûd, Eşrefiye û Benî Zedê hatiye kirin.

Di dûmahîka daxuyaniyê de ev tişt hatin diyarkirin:

“Em wek partî bang li rêxistinên navneteweyî, mafnasî, saziyên çapemeniya azad û civaka navneteweyî dikin, berpirsyaretiyên xwe bi awayekî zelal li hemberî tecrîda li ser Rêber Ocalan nîşan bidin da ku zextê li ser hikûmeta Tirkiye û dewletên din kevneperest bike yên ku hevkarên komploya li ser Rêber Ocalan in.”