Çeteyên "Polîsa Leşkerî" yên dewleta Tirk a dagirker îro êrişî bajarokê El Turkmen kir (17 kîlometre başûrê Girê Spî) û 12 kes revandin.

Hat diyarkirin ku di nava kesên hatine revandin de 2 zarokên birayê hev ên di bin 16 saliyê de hene. Navên zarokan Udey û Merwan Mihemed e.

Hat ragihandin ku kesên hatine revandin birine beşa "têkoşîna li dijî terorê" ya li Girê Spî ya dagirkirî.

Revandina welatiyan û xwestina fîdyayan li hember serbestberdana wan yek ji rêbazên komkirina pereyan e ku çete ji 2019`an ve li Girê Spî dikin. Di berdêla berdana her yek ji kesên revandî de serçeteyê bi navê Ebû Rebî El Idlibî yê beşa "têkoşîna li dijî terorê" hezar dolarî distîne.