Şervanên Hêzên Sûriyeya Demokratîk (QSD), ber destê vê sibehê saet 3'an li dijî artêşa Tirk a dagirker û çeteyên wê çalakî pêk anîn. Di çalakiyê de 6 çete hatin kuştin, gelek jî birîndar bûn.
Êrîşên artêşa Tirk û çeteyên wê yên ji bo dagirkirina Efrînê ev sê roj in bê navber dewam dikin. Şervanên Hêzên Sûriyeya Demokratîk (QSD) jî bi tundî bersivê didin êrîşan. Şervanên QSD'ê danê vê sibehê saet 3'an li xeta Ezazê operasyoneke berfireh kirin.
Di encama vê operasyonê de 6 çeteyên dagirker hatin kuştin, gelek çete jî birîndar bûn.
Wekî din, êrîşên artêşa Tirk ên bi çekên giran, ji gundê Qestelê heta gundê Endeqenê dewam dikin.
Li bejahiya navçeya Bilbilê jî şer didome.
