Navenda Ragihandin û Çapemeniyê ya HPG'ê li ser çalakiyên 26-27'ê Tîrmehê yên li dijî hêzên dagirker daxuyaniyeke nivîskî weşand.

Di daxuyaniyê de ev agahî hatin dayin:

"Hêzên me roja 26'ê Tîrmehê li cihekî navbera gundên Basilê û Gobelê yên navçeya Şêrawayê li dijî artêşa Tirk a dagirker çalakiyeke sabotajê kirin. Di encamê de 5 leşkerên di wesayita zirxî de bûn hatin kuştin û wesayita leşkerî jî hate rûxandin.

Roja 27'ê Tîrmehê hêzên me li dijî dagirkerên li navenda bajarê Efrînê çalakiyeke sabotajê pêk anîn. Di encama çalakiyê de 5 çeteyên ku qaşo navê 'polîsê leşkerî' li xwe kirine û leşkerek hatin kuştin.

Yekîneyên me heman rojê li gundê Qeretepe yê Efrînê li dijî artêşa Tirk û çeteyên wê çalakiyek kirin. Li ser encama vê çalakiyê agahiyeke zelal bi dest neket."

HEJMARA KUŞTIYÊN DEWLETA TIRK A DAGIRKER: 2538

Di dawiya daxuyaniyê de hate ragihandin ku bi çalakiyên dawî re hejmara leşker û çeteyên artêşa Tirk a dagirker ên ji destpêka êrîşên dagirkeriyê ve hatine kuştin bû 2538.