Artêşa Tirk a dagirker û çeteyên wê gundên rizgarkirî yên herêmA Şehbayê  topbaran dikin. Di encamê de baxçe û çandiniyên sivîlan hedef girtin û ziyanên madî gihişt mal û milkên sivîlan.

Çeteyên Cebhet El-Nusre û Ehrar El-Şam, ên li aliyê kela Semanê bi cih dibin, bi top û çekên giran doşka, topavêj û hawanan her du gundên Îska û Basûfanê yên navçeya Şêrewa topbaran kirin, her wiha gundê Qitmê û Kefer Cenê yên navçeya Şera topbaran kirin.

YPJ/YPG`ê  û Hêzên Şoreşgeran bersiva topbarana çeteyan û artêşa Tirk a dagirker, dan.

Di encama topbarana hovane û hedefgirtina mal û milkên sivîlan de her du navçeyên Şera  û Şêrewa û çandiniya wan de, ziyanên madî  bi zeviyên çandiniyê bûn.

Di demên ku çeteyan gundên kantona Efrînê topbaran dikirin de artêşa Tirk a degirker û çeteyên wê yên li gundê Kilcibrîn û bajarê Ezazê bicih dibin, , şeva din gund û bajarokên herêmên Şahba yên rizgarkirî Herbel , Şêx Îsa, Til Medîq, Eyn Deqne, Um Hoş, û gundê Wehşiyê, hedef girtin.

Di encamê de ziyanên madî mezin bi mal û milkên şêniyan û çandiniyên wan de çêbûn.

Êrîş heta niha ji didome.