Li Bakur û Rojhilatê Sûriyeyê 1'ê Gulanê weke betlaneya fermî hate ragihandin
Rêveberiya Xweser a Bakur û Rojhilatê Sûriyeyê 1'ê Gulanê Cejna Karkeran a Cîhanê kir betlaneya fermî.
Hevserokatiya Meclisa Rêveber a Herêma Bakur û Rojhilatê Sûriyeyê biryarnameya 11’an derxist.
Di biryarnameyê de hate gotin, bi boneya Cejna Karkeran a Cîhanê, tevahî saziyên giştî yên girêdayî Rêveberiya Xweseriya Demokratîk a Herêma Bakur û Rojhilatê Sûriyeyê roja Pêncşemê (1 Gulan 2025) dikin betlane.
Her wiha hate diyarkirin ku saziyên giştî yên ku karê wan berdewamiyê dixwaze, di biryarnameyê de cih nagirin.
