Li gorî nûçeya ANHA’yê li herêmên di bin dagirkeriya Tirkiyeyê de; ji Cerablûs û Ezazê û heta Efrînê, Bab û Mariyê rû dide. Li van herêman di 26`ê Tebaxê de şerekî berfireh rû dide, şer li Sosyan a li bakurê rojavayê bajarê Babê zêde bû û heta îro sibehê derbasî hundirê taxên bajar bû.

Bi dehan şêniyên bajarê Babê derketin kolanan û ji ber ku di şerê çeteyan de kesên sivîl tên kuştin, xwepêşandanek li dar xistin.

Çavkaniyên ji bajêr teqez kir ku çete bi guleyan xwepêşandêran dikin hedefa xwe û di encamê de gelek birîndar hene, lê hejmara birîndaran û rewşa wan nehat zelalkirin û çeteyan derketina ji Babê qedexe kirine.

Li gorî çavkaniyên herêmî, di şer de 2 zarok bi topavêja ARBG ku derbasî mala wan bû, birîndar bûn. Çavkaniyan teqez kir ku ji ber şer, şewat û zirar di mal û milkên sivîlan de çêbûn û heta niha şer didome.