Koordînasyona Kongreya Star bi daxuyaniyekê bi tundî komplo û tecrîda li ser rêber Abdullah Ocalan şermezar kir.

Kongreya Star diyar kir ku dewletên komploger li ser hesabê gelan û azarên wan, xwe li ser lingan digirin.

Kongreya Star di daxuyaniyê de îşaret bi tecrîda li ser rêber Abdullah Ocalan û hewldanên tunekirina wî û gelê kurd kir û got: “Hêzên ku li hember felsefe û fikrê rêber Abdullah Ocalan bi bin ketine, her sal planên din li dijî gelê kurd pêk dikin. Herî dawî êrişên dewleta Tirk a dagirker ên li dijî Bakur û Rojhilatê Sûriyeyê û armanca wan a yekane têkbirina vîna azad a gelên herêmê ye.”

Kongreya Star di daxuyaniya xwe de soza şopandina fikr û felsefeya rêber Abdullah Ocalan da ku rêya xilasiya gelên bindest û pêkanîna azadiyê ye. Her wiha diyar kir bê azadiya rêber Abdullah Ocalan gelê kurd û gelên Rojhilata Navîn azad nabin.

Kongreya Star bang li hêz û kesên demokrat, cîhan û rêxistinên civaka sivîl kir ku ji bo pêkanîna azadiya fîzîkî ya rêber Abdullah Ocalan û têkbirina komployê û misogerkirina azadiyê tê bikoşin.