Yekîtiya Jinên Ciwanên Herêma Efrînê, derbarê zext û tundiya li ser jinan daxuyaniyek dan. Bi dehan kesên ku li Kampa Serdem a li kantona Şehbayê hatîn gel hev, alayên Yekîtiya Jinên Ciwan, wêneyên Rêberê Gelê Kurd Abdulah Ocalan û pankarta bi nivîsa, “Îsyana jinên ciwan, tolhildan e” hildan.

‘BERXWEDAN JÎ ZÊDE BÛ ÊRÎŞ JÎ’

Di daxuyaniya bi Erebî ya ji aliyê Hevseroka Komîteya Sporê û Ciwanên Herêma Efrînê Gûlê Cimo ve hatî xwendin de, hate gotin, “Jinan tevahiya dîrokê li her qada jiyanê ji bo debara civakê têkoşîn kir. Bi dehan tevgerên aktîvîst û femînîstên jinan berxwedanî bijart. Jinên ku bi têkoşîna xwe gelek tişt bi dewlet û civakên navnetewî dayî pejirandin, berxwedanî bilind kirin.”

Di daxuyaniyê de teqez kirin ku “Her ku têkoşîna jinê zêde bû, weke siyasî û leşkerî, hêrs û dijayetiya zihniyeta zilamsalariya di cîhanê de serweriyê dike jî zêde bû” û wiha hate diyarkirin;

“Vê zihniyet, desthilat û dewletê jin li gorî berjewendiyên xwe bi rêya aborî bikaranî. Li tevahiya cîhanê tundî zêde bû û ji ber ku hate eşkere kirin êdî venaşêrin. Bi şerê biyolojîk (vîrusa koronayê) rasterast û li ser hev tundî, cinayet, tecawûz, întihar, revandin û koç kirin zêde bû. Ev jî ji derveyî exlaqê civakê ye. Bi destê çeteyên girêdayî AKP’ê sûcên li dijî jinê tê pêkanîn.

‘PÊWÎST E KU CIVAKA NAVNETEWÎ Û FEMÎNÎST DEST BI TEVGERÊ BIKIN’

Bûyerên cinayet û întiharên li herêmên Bakur û Rojhilatê Sûriyê zêde bûyî, berpirsyariya me ya rêxistin bûyînê, berxwedaniya me û têkoşîna me ya li dijî vê zihniyeta qirêj zêde dike. Civaka navnetewî, rêxistinên mafên mirovan, tevgerên femînîstan, li dijî sûcên tên kirin pêwîst e bikevin tevgerê. Ji ber ku tenê çend lihevkirin, zagon û madde têrê nake jinan ji êşa ku dikişîne rizgar bike.”