Navenda Çandê ya Kurdistanê ya li Yewnanîstanê piştî ku Yewnan Tirkiye weke ''Welatê Sêyan ê Ewle'' ragihand, daxuyaniyeke niviskî da.

Di daxuyaniyê de hate gotin, ''Em penaberên polîtîk ku ji azadiya siyasî bêpar, ji ber sedema ku mafê mirovan bi rengekî sîstematîk hatiye binpêkirin û ji ber zilmê bêgav mane ku ji Kurdistanê û Tirkiyê werin, diyar dikin polîtîkaya ku Yewnan û Yekîtiya Ewropayê penaberan dişîne Tirkiyê pir xapînokî ye.''

Di daxuyaniyê de her wiha faşîzma AKP-MHP'ê hate destnîşankirin û hate gotin, ''Heke bi rengekî sîstematîk were astenkigin ku penaber xwe li Ewropayê bigirin û wan bişînin Tirkiyê ev ê li ser jiyan û debara jin, zarokan talokeyeke mezin bîne.''

2'yê Hezîrana 2021'an Wezareta Karê Derve û Wezareta Koç û Penaberiyê biryareke hevpar dabûn û di vê biryarê de hatibû gotin Tirkiye ji bo penaberên Sûrî, Efgan, Pakistanî, Bangladeş û Somaliyê ''welatê ewle yê sêyan'' e.