Endamê Însiyetîfa Ji Rêber Apo re Azadî ya Sûriyeyê û di heman demê de endamê Meclîsa Gel a Demokratîk a Rêveberiya Xweser ya Bakur û Rojhilatê Sûriyeyê, daxuyaniya bi îmzeya hezar parêzerî ya ji bo azadiya Rêberê Gelê Kurd Abdullah Ocalan bibîr xist û got, “Beriya çend rojan hezar parêzerî ji bo bidawîkirina dîlgirtina Rêberê Gelê Kurd Abdullah Ocalan, daxwaznameyek bi daxwazên hiqûqî îmez kirin û pêşkêş kirin.”

Xalid El-Hesen got, “Ji bo çarseriyê me bang rêxistinên mafên mirovan û rêxistinên alîgirên azadiyê yên cîhanê kir. Em dizanin ku nêzîkatiyek durû li hemberî dosyeya Rêbertî heye, ji ber ku hemû daxwaz û serlêdan ji aliyên navendên têkildar û rêxistinên mafên mirovan bêbersiv dimînin.”

Xalid El-Hesen wiha domand, “Me banga bi cihanîna mafê girtiyên siyasî yên ji 70 salî mezintir kir ku, jiyana xwe ya mayî bi malbat û hezkiriyên xwe re derbas bikin. Ji bo ku Rêber Abdullah Ocalan karibe rewşa xwe ya tenduristiyê vebêje, me daxwaz kir ku bi xizmên xwe re hevdîtinê pêk bîne.”

Xalid El-Hesen, destnîşan kir ku kampanyaya ku li Rojhilata Navîn hatiye destpêkirin her ku diçe berfire dibe û wiha axivî, “Em bang li gelên herêmê dikin ku, dakevin qadan û çalakî lidar bixin. Her wiha ji bo çareseriya doza Rêber Abdullah Ocalan, me bang li hiqûqnasên cîhanê kir ku, li ser Tirkiyê û raya giştî zextê bikin.”