Meclîsa Giştî ya Şêxmeqsûd û Eşrefiyê û desthilatdariya Şamê 1'ê Nîsanê peymanek ji 14 xalan îmze kirin. Peyman bi giranî li ser teşwîqa ji bo jiyana hevpar, parastina şêniyên herêmê, pêşîgirtina li çalakiyên çekdarî û pêkanîna ewlehiya navxweyî ye.

Li gorî peymanê herdu aliyan berpirsyariyên xwe bi cih anîn.

Di çarçoveya peymanê de duh (Pêncşem) benda serbestberdana girtiyên her du aliyan pêk hat û 146 dîlgirtiyên Meclisa Şêxmeqsûd û Eşrefiyê û 97 kesên girêdayî desthilata Şamê hatin berdan.

Îro jî wê benda 6’an a têkildarî vekişandina hêzên leşkerî ji her du taxan ber bi herêma rojhilatê Firatê ve bikeve meriyetê û hêzên leşkerî ji her du taxan vekişin.