Hêzên Ewlekariya Hundirîn şehadeta endamekî xwe ragihand
Hêzên Ewlekariya Hundirîn bi daxuyaniyekê nasnameya endamekî xwe ku li bajarê Hesekê yê kantona Cizîrê şehîd bûye, eşkere kir.
Fermandariya Giştî ya Hêzên Ewlekariya Hundirîn a Herêma Bakur û Rojhilatê Sûriyeyê bi daxuyaniyekê ragihand ku endamekî wan gihişt asta şehadetê.
Di daxuyaniyê de wiha hate gotin: "Em şehadeta endamê hêzên xwe Ebdulezîz Îbrahîm bi xemgînî radigihînin. Şehîd Ebdulezîz Îbrahîm di encama krîza dil de li Nexweşxaneya Gel a Hesekê şehîd bû.
Agahiyên der barê nasnameya şehîd de wiha ne;
Nav û paşnav: Ebdulezîz Îbrahîm
Navê dayikê: Tirfe Elî
Navê bav: Ehmed
Cih û dîroka jidayikbûnê: Hesekê-10.02.1985
Cih û dîroka şehadetê: 05.12.2024
Şehîd Ebdulezîz sembola rêkûpêkî û lehengiyê bû û jiyana xwe xist xizmetî ewlehî û îstîqrarê. Bi pêkanîna erkên xwe û alîkariya mezin di parastina civakê de dihat naskirin. Di gelek pêngavên li dijî rêxistina DAIŞˋê de beşdar bû û destanên lehengiyê di şerê rizgarkirina Reqa, Minbic û Dêrazorê de nivîsandin.
Em Hêzên Ewlekariya Hundirîn sersaxiyê ji malbatê dixwazin. Ew bi fîzîkî ji nav me çû, lê di dil û bîrewariya me de ye."
