Meclîsa Navçeya Sirînê duh li hev civiya. Endamê Desteya Rêveberiya Federasyona Bakurê Sûriyeyê Ferhad Dêrik û Emel Elberho jî tevlî civînê bûn.

Ferhad Dêrik li civînê axivî û got, "Meclîs sîstemeke nû ye ku gavek ji avakirina Federasyona Bakurê Sûriyeyê ye. Hemû pêkhateyên li herêmê, li gorî çand û kevneşopiya xwe cihê xwe di nava sîstemê de digirin."

Piştî axaftinan, rêziknameya komun û meclîsê hate xwendin. Piştî ku endamên meclîsê bi zimanên xwe yên dayikê bi Kurdî û Erebî sond xwarin, hilbijartin hate kirin. Xedîca Mehmûd û Silêman Hecî ji bo Hevserokatiya Meclîsê hatin hilbijartin.