Helwesta Efrîniyan a li dijî Rûsan: Em Efrîne dixwazin ne sedeqe
Efrîniyên ku ji ber dagirkeriya Tirk ji bêgavî xaka xwe berdan, li dijî konwoya alîkariyê ya Rûsan helwest nîşan dan û alîkariya wan qebûl nekirin.
Konwoya li gel wesayitên leşkerî yên Rûs xwest ku li gundê Wehşî yê Şehbayê erzaq li Efrîniyan belav bike.
Lê gel li dora wesayitên Rûs û rejîma Sûriyê kom bû û çalakiya protestoyê kir.
Koçberên Efrînî gotin, ''Efrîn, Efrîn'', ''Ne sedeqeyan em Efrînê dixwazin'' û konwoy ji qadê dûr xistin.
Efrîniyan di dagirbûna Efrînê de berpirsyariya Rûsyayê bi bîr xistin û gotin, ''Niha jî bi sedeqeyan dixwazin me bixapînin.''
