Duh, di merasîma oxirkirina du şehîdên Reqayê li Tebqayê de, yek ji Fermandarên QSD`ê Ûmîd Gabar axivî û destnîşan kir ku Rejîma Sûriyê îddîa dike ku wê QSD`ê herêmên xwe yan jî Tebqayê radestî artêşa Sûriyeyê bike û wiha got: “Bila gelê me baş zanibe di 5 salên şoreşa me de, em wekî YPG û piştî avakirina QSD`ê bi hêzên din re, me bihostek axa xwe radestî tu aliyan nekiriye. Axa ku bi xwîna şehîdan hatiye avdan milkê gel e û em radestî tu hêzan nakin.”

Gabar bi lêv kir ku berovajî îddîayên Rejîma Sûriyeyê, zêdetirî 300 leşkerên rejîmê xwe spartine QSD`ê.

Ûmîd Gabar di derbarê cih û dema ku leşkeran xwe spartiye QSD`ê de tu agahî neda. Lê diyar kir ku bûyer di demeke nêz de çêbûye.