Gelê Efrîn yê ku ji cih û warê xwe koçberî Herêma Şehbayê bûne û di şertên zor û zehmet de berxwedaniya xwe berdewam dike, bi belavbûna vîrûsa Koronayê ya li tevahî cîhanê koçberên Efrînê yên li şehbayê jî hem berxewdana xwe xurtir kirin û hem jî xwe ji şewbê diparêzin.

Gelê Efrînê yên ku di kampan de dijîn bal kişandin ser mercên jiyanê. Jina bi navê Emîne axivî û got: “Ji bo xwe parastina ji şewba vîrûsa Koronayê berî her tiştî paqijî tê. Ketin û derketina kampê hatiye qedexekirin. Ev jî kiriye jiyan li nava kampan hê zêhmetir bibe. Gelê herêmê tevî vê jî bi zanabûn nêzî mijarê dibe û li gorî rênmayan tevger dikin.

Xwendekara bi navê Sedîqe Hisên jî behsa rewşa li nava kampê ya rojan e kir. Hisên anî ziman ku ji ber şewbê dibistan hatine girtin, tenê heta derê konên xwe dikarin derkevin.

Herî dawî jî Zelûx Mihemed jî axivî û bal kişand ser zehmetiyên jiyanî ya nava kampê. Mihemed diyar kir ku piraniya rojê ji bo zarokan ji şewbê biparêzin li nava konan dihêlin û di warê paqijiyê de zêdetir kar dikin.