Li kantona Efrînê ya ku ji aliyê dewleta Tirk û çeteyên wê ve hatiye dagirkirin, sûcên dermirovî, talankirin û wêrankirina xwezayê berdewam dikin.

Li gorî agahiyan li navçeya Bilbilê çeteyê ji koma"Siqûr El-Şemal" ê bi navê Ebo Ehmed El-Heyanî 75 darên zeytûn û fekî yên ayîdî welatiyê bi navê  Sibhî Mihemed birîn.

Dar di 3'yê û 4'ê Sibatê de li nêzî gundê Qurnê ya navçeya Bilbilê hatin birîn.

Çete ji destpêka dagirkirina Efrîn û heta niha ve, zêdetirî 18 hezar dar li gundê Şêxorzê, Zerê û Elî Kero destser kirin.