Bi armanca şermezarkirina komploya 15’ê Sibata 1999’an ya li hemberî Rêberê Gelê Kurd Abdullah Ocalan Kurdistanî û dostên wê li welat û derveyî welat di nava çalakiyan de ne. Bi heman armancî îro Tevgera Ciwanên Şoreşger û Yekîtiya Jinên Ciwan li bajarê Qamişloyê bi dirûşmeya"Dem dema azadiya Rêber Apo ye" û “Bimre komploya 15’ê Sibatê" meşek lidarxistin. Meş li taxa Qidurbeg a Qamişloyê destpêkir û li nav taxê geriya.

Piştî ku ciwanan di çarçoveya plana ji bo meşê amadekiribûn meşa xwe bi dawî kirin li hev kombûn û daxuyaniyek dan. Li wir li ser navê Yekîtiya Jinên Ciwan û Tevgera Ciwanên Şoreşger Sariya Cûdî daxuyanî da û got: "Bi vê komploya navnetewî ya ku li ser Rêberê gelan pêk hat xwestin gelê Kurd qir bikin û Rêber Apo ji gel qut bikin. Lê wek ciwanên şoreşger û jinên ciwan em dibêjin hûn nikarin rêberê me ji me dûr bixin û em soz didin ku emê tecrîdê bişkînin û azadiya fîzîkî ya Rêber Apo misoger bikin."

Piştî axaftina hat kirin çalakiya ciwanan bi berzkirina dirûşmeya “Bijî Serok Apo” bi dawî bû.