Li Hesekê bi pêşengtiya ciwanên Partiya Yekitiya Demokratîk (PYD) û gaziyan ve li dijî tecrîda li ser Rêberê Gelê Kurd Abdullah Ocalan û siyaseta qirêj a PDK’ê meşekî girseyî hate lidarxistin. Meş ji çerxerêya Kevokê ber bi qada Şehîd Serhed a li taxa Miftê ve dest pê kir. Di meşê de wêneyên Rêberê Gelê Kurd Abdullah Ocalan, alên ciwanan û PYD'ê hatin hildan û pankartên ku banga azadiya Rêberê Gelê Kurd Abdullah Ocalan dikin hatin hildan.

Ciwanan bê navber dirûşmeyên şermezarkirina tecrîda li ser Rêberê Gelê Kurd Abdullah Ocalan, siyaseta qirêj a PDK û êrîşên dewleta Tirk a dagirker ên li ser Zirgan,  Til Temir û Kobanê berz kirin.

Meş li qada çerxerêya Şehîd Serhed rawestiya. Li ser navê ciwanên PYD'ê Medya Ebdurehman axivî û diyar kir ku ew ê têkoşînê berdewam bikin heta ku azadiya fîzîkî ya Rêberê Gelê Kurd Abdullah Ocalan pêk were.

Çalakî bi dirûşmeyên banga azadiya Rêberê Gelê Kurd Abdullah Ocalan bi dawî bû.