Ciwanan di meşê de xwestin Rêberê Gelê Kurd Abdullah Ocalan azad bibe û êrîşên dagirkeriyê yên dewleta Tirk a dagirker ên li dijî Bakurê Sûriyeyê şermezar kirin. Di çalakiyê de posterên Rêberê Gelê Kurd Abdullah Ocalan, alên YCR, Tevgera Jinan a Ciwan û TEV-DEM'ê hatin hildan.

Meşa ku bi sedan ciwan tevlî bûn, li pêşiya Mala Gel a Cindirêsê dest pê kir. Ciwan li nava kolanên sereke yên navçeyê meşiyan û li kolana 20. li hev civiyan. Li ser navê YCR'ê Îbrahîm Reşo li vir axivî û şervanên azadiyê û şehîdên komkujiya Kobanê bibîr anî.

Reşo di dewama axaftina xwe de ragihand, ew di pêvajoyeke hesas de ne û diyar kirin, bi taybetî li dijî êrîşên dewleta Tirk a dagirker ên li hemberî Rojava û Bakurê Sûriyeyê, divê têkoşîn bê xurtkirin.

Reşo di dawiya axaftina xwe de soza geşkirina berxwedanê da û destnîşan kir, ku ew ê herêma xwe ji dagirkeriya Tirkiyeyê biparêzin.

Çalakî bi qîrîna dirûşmên li dijî êrîşên dewleta Tirk, qediya.