Şervanê YPG′ê Beşar Hac Xelîl (Serfiraz Xelîl) ê ku di 6′ê Cotmeha sala 2015′an de li Taxa Şêx meqsûd a Helebê di berxwedana li dijî çeteyên Îtîlafa Sûriyeyê de jiyana xwe ji dest dabû, îro ji aliyê welatiyên Efrînê ve li Goritana Şehîd Refîq a li gundê Metîna hate veşartin.

Ji ber şerê giran ê wê demê li herêmê, cenazeyê Serfiraz Xelîl nehate dîtin. Piştî ku 6 taxên rojhilatê Helebê hatin rizgarkirin, şervanan li wir dest bi xebatên lêgerînê kirin û cenazeyê wî, dîtin.

Welatiyên Kantonê cenazeyê şehîd ji nexweşxaneya Avirîn a navenda Kantonê wergirtin û ber bi goristanê ve ketin rê.

Li goristanê merasîm bi rêzgirtinê ve destpê kir. Piştre Fermandarê YPG′ê Engîn Mûrad axivî, bal kişand ser rola têkoşeran a di pêkanîna azadî û edaletê de, her wiha girîngiya parastinê destkeftiyên ku bi xwîna şehîdan hatine bidestxistin, vegot.

Di dawiya merasîmê de nasnameya şehîd hat xwendin, radestî malbatê hat kirin û cenazeyê wî li goristanê hat veşartin.