Bi sedan welatiyên bajarê Serêkaniyê  cenazeyê şervanê YPG'ê  Ferhat Xalid (Serhed Serêkaniyê) ku di 30`ê Tebaxê de li Reqayê şehîd bibû,  ji Nexwşexaneya Roj wergirtin û bi karwanekî wesayîtan  berê xwe dan Goristana Şehîd Rûstem Cûdî ya gundê Berkevirê.

Li goristanê ji aliyê şervanên YPG/YPJ'ê ve merasîmeke leşkerî hate lidarxistin. Piştre  bavê şehîd Serhed Serêkaniyê Îsmaîl Xalid axivî û got:ʺMin kurê xwe fedayî vî welatî ku cûdahî naxê navbera Kurd, Ereb û Suryan, kir. Em hemû amade ne ku di rêya şehîdan de bimeşin û xwîna xwe ji bo vî welatî bidin.ʺ

Li ser navê  Meclîsa Malbatên Şehîdan Şêrîn Elî jî axivî û sersaxî ji malbata têkoşer Ferhat re xwest.

Piştre nasnameya şervanê YPG'ê hate xwendin û radestî malbata wî hate kirin. Cenazeyê Serhed Serêkaniyê bi dirûşme û tilîliyên dayîkan li goristanê hate veşartin.