Xelkê Şehdadê cenazeyê şervanê Hêzên Sûriya Demokratîk (QSD) Ziyad Fewazî El Hisên (Hesen) li goristana şehîdan a navçeyê veşart. Şehîd Hesen di 11′ê Kanûnê de li Dêrazorê dema li ser erka xwe ya leşkerî bû şehîd bû.

Di merasîmê de endama Meclisa Malbatên Şehîdan a navçeyê Xedîxe El Xidêr axivî û sersaxî da malbata şehîd û got: "Şehîd di oxira rûmeta welat de can û ruhê xwe da."

Xedîce wiha domand: "Rojava, mîna dayik zarokên xwe hembêz dike, şehîdan hembêz dike. Ne ji wan bûya em li vir bi ewle nedijîn û tu serkeftin jî tune bû."

Li aliyekî din jî yek ji fermandarên Meclisa Leşkerî ya Şedadê Ewde El Hisên û got tevahî şehîdan di oxira jiyaneke azad, rûmet û xelasiya gelan ji zulmê ruhê xwe da.

Merasîm bi xwendina wesîqeya şehîd û radestkirina ji malbatê re bi dawî bû.