Cenazeyê şervanê QSD’ê yê Misrî li Til Temirê hate veşartin
Cenazeyê şervanê QSD’ê yê Misrî Tariq El Hesen ê di Pêngava Bagera Cizîrê ya li herêma Dêra Zorê dom dikr de şehîd bibû, bi merasîmekê li Şehîdgeha Til Temir bi merasîmekê hate veşartin.
Cenazeyê şervanê QSD’ê yê Misrî Tariq El Hesen ê di Pêngava Bagera Cizîrê ya li herêma Dêra Zorê dom dikr de şehîd bibû, bi merasîmekê li Şehîdgeha Til Temir bi merasîmekê hate veşartin.
Cenazeyê şehîd Tariq El-Hesen (Şahîn) li Meclîsa Malbatên Şehîdan a bajarê Til Temirê hate pêşwazîkirin û bi karwanekî ber bi Goristana Şehîan a Til Temirê ve ketin rê.
Piştî merasîma bi deqeyek rêzgirtinê destpê kir û şûnde li ser navê YPG’ê Ziyad Kurdî û li ser navê Meclîsa Malbatên Şehîdan jî Selman Nohî avivî.
Di axaftinan de hate diyarkirin ku rola şehîdan di parastina aramiya herêmê, tunekirina çeteyên ku dixwazin îradeya gel bişikînin û projeya demokratîk têk bibin de, sereke ye. Her wiha hate destnîşankirin ku ji ber ku gelê Bakur û Rojhilatê Sûriyê li dijî çeteyan şer kirin, bi sedan şervanên enternasyonalîst tevlî nava hêzên leşkerî bûn û wiha hate got: “Ji ber ku her kesî dît hêzên Bakur û Rojhilatê Sûriyê hêzên demokratîk in ku parastina gelan dikin. Yek ji van kesên ku ev rastî dîtî jî şehîd Tariq ê bi eslê xwe ji Misrê ye.”
Her wiha di axaftinan de soza şopandina rêya şehîdan û parastina Rêveberiya Xweser û projeya demokratîk ji bo avakirina Sûriyeyeke demokratîk da.
Di dawiya merasîmê de nasnameya şehîd hate xwendin û radestî malbatê hate kirin û bi dirûşman cenazeyê şehîd hate veşartin.