Şêniyên kantona Firatê şehîd Dilsoz Degirman (Mehmûd Mistefa) li Goristana Şehîd Dîcle spart axê.

Di merasîmê de hevseroka Desteya Rêveberiya Herêmî ya Kantona Firatê Felek Yusif axivî û fedakariyên şêniyên herêma Bakur û Rojhilatê Sûriyeyê ji bo parastina hebûn, ewlehî û îstiqrara li herêmên xwe de silav kir.

Felek soz da ku têkoşîna li hember êrîşên dewleta Tirk mezin bikin û dem dema têkoşînê û berxwedanê ye.

Her wiha ji fermandarên Hêzên Sûriya Demokratîk (QSD) li kantona Firatê Zana Belek axivî û destnîşan kir ku berxwedana xelkê herêmê li hember êrîşan berdewam e.

Zana Belek wiha domand: "Bila dewleta Tirk bizane ku herêm ne wekî berê ye. Yên wê diparêzin hene. Gelê wê berxwedan û fikrê azad ji xwe re kiriye bingeh û wê li ser vê rêyê bigihêje ewlehiyê. Em ji tiştekî natirsin, ne ji balafiran û ne jî ji dengê fîşekan. Serkeftin dê para me be û em ê dagirkeran ji axa xwe ya dagirkirî derxin mîna ku me çeteyên DAÎŞ’ê derxistin."

Bi navê malbata şehîd Hîla Elî axivî û soz da ku têkoşînê berdewam bikin heta ku armancên şehîdan pêk bînin.

Piştre wesîqeya şehadeta şehîd hate xwendin û radestî malbatê hate kirin. Di dawiyê de girseya gel cenazeyê şehîd spart axê.