Bi sedan welatiyên bajarê Reqayê cenazeyê şervanê QSD’ê Beşar Yûsif (Baran Welat) ku di Pêngava Bagera Cizîrê de şehîd bûbû,bi merasîmekê spartin axê.

Gel cenazeyê Baran Welat ji barokê El-Hezîma yê bajarê Reqayê girtin û bi karwanekî wesayîtan ber bi goristan şehîdan a li gundê El-Hikumiye ya navçeya Eyn Îsa ketin rê.

Li goristanê ji bo bîranîn şehîdên azadiyê deqîqeyek rêz hate girtin û şervanên QSD’ê merasîmekî leşkerî lidar xistin. Piştre Endama Meclîsa Jinên Azad a Sûriyeyê Zelîxe Ebdî axivî, sersaxî ji malbata şehîd re xwest û got ku bi saya şehîdan axa welat tê rizgarkirin.

Piştre nasnameya şehadetê ya şehîd Baran Welat hate xwendin û radestî malbata wî hate kirin.

Di dawiya merasîmê de gel û şervanan cenazeyê şehîd Baran bi dirûşmeya ‘Şehîd Namirin’ û tilîliyên dayikan spartin axê.