Şervanê Meclîsa Leşkerî ya Babê Ebdûlkerîm El-Qasim (Ebû Ereb) li gundê Qert Wêran ê rojavayê bajarê Minbicê di dema teqîna mayina çeteyên DAIŞ’ê ku berê çandibûn, şehîd bû.

Bi sedan welatiyên Minbicê cenazeyê Ebû Ereb ji Nexweşxaneya Firat a bajar wergirtin û ber bi goristana şehîdan ve ketin rê.

 Li goristanê ji bo bîranîna şehîdên têkoşîna azadiyê deqîqeyek rêz hate girtin.  Endama Saziya Malbatên Şehîdan Kefa El-Elî, Fermandarê Giştî yê Meclîsa Babê Yûsif El-Erîma û ji Rêveberiya Sivîl a Demokratîk ya Minbicê Hevserok Mihemed Şêxo axivîn. Axaftvanan sersaxî ji malbata şehîd re xwestin û soza şopandina rêya şehîdan heta serkeftinê dan.

Bavê şehîd Mustefa Mihemed jî li ser navê malbatê sersaxî ji gel re xwest û soza şopandina rêya şehîd da.  Piştre nasnameya şehadetê hate xwendin û cenazeyê şervanê Meclîsa Leşkerî ya Babê Ebdûlkerîm El-Qasim (Ebû Ereb) bi dirûşme û tilîliyan li goristanê hate veşartin.