Merasîma li Goristana Şehîd Delîl Sarûxan ji bo bîranîna şehîdên têkoşîna azadiyê bi deqîqeyek rêzgirtinê dest pê kir.

Piştre ji fermandara YPJ’ê Dîlar Qamişlo axivî û got; “Hêvîdar Azadî ne tenê li herêmekê têkoşiya li her derê têkoşiya. Li Şengalê bi vî rûhî li ber xwe da û di vekirina korîdorê de para wê hebû. Em soz didin ku têkoşîna şehîdan ku ji me re hiştine, em ê bidomînin.”

Li ser navê Saziya Malbatên Şehîdan Huseyîn El-Elî û Fatma Casim jî axivîn. Di axaftinan de sersaxî ji malbata şehîd Azadî re hate xwestin û soza girêdanbûna bi şehîdan re hate dayîn.

Bavê şehîd Hêvîdar, Mustafa Henan jî axivî û wiha got; “Keça min a şehîd ne tenê şehîda min e. Şehîda hemû gelê me mirovahî û Rêber Apo ye. Em bi wê serbilind in. Em soz dikin ku li ser rêya wan em ê bimeşin.”

Piştî axaftinan nasnameya şehadetê ya şehîd hate xwendin û radestî malbata wê hate kirin. Cenazeyê şehîd Hêvîdar ji aliyê şervanên YPJ’ê ve bi dirûşme û tilîliyan li goristanê hate veşartin.