Cenazeyê şervanên QSD‘ê Ebdulrehman El-Kerem (Ebdulrehman), Macid El-Mihawiş (Ebû Xelef) û Ehmed El-Nasir (Şerîma) bi merasîmeke heybet li Goristana Şehîd Silava hate veşartin.

Piştî darbesta şehîdan bi dirûşmên “Şehîd Namirin” ve hatin pêşwazîkirin û şûnde li gorîstanê merasîm bi deqeyek rêzgirtinê ve destpê kir.

Di merasîmê de Rêveberê Saziya Malbatên Şehîdan Qasim El-Ebid û Rêveberê Têkiliyên Giştî yê Herêma El-Kerama Ezîz Hesen axivîn, sersaxî ji malbatên şehîdan re xwestin û soza şopandina rêya şehîdan dan.

Piştî axaftinan, nasnameyên şehîdan hate xwendin û radestî malbatên wan hate kirin.

Di dawiya merasîmê de cenazeyên şehîdan bi dirûşma ‘Şehîd Namirin’ û tilîliyên dayikan hatin veşartin.