Şêniyên Efrîn û Şehbayê cenezayê şervanê Hêzên Rizgariya Efrînê (HRE) şehîd Karker Efrîn  ku di 16`ê Kanûnê de, di qonaxa duyemîn a Berxwedana Serdemê de şehîd (Ebdurehman Hisên) bûbû, bi merasîmekê li Goristana Şehîdên Berxwedana Serdemê ya li navçeya Ehrezê ya kantona Şehbayê veşartin.

Di merasîmê de endamên Partiya Yekitiya Demokratîk (PYD), Kongra Star, Kongra Îslama Demokratîk, şeniyên Efrîn û Şehbayê û Meclisa Malbatên Şehîdan amade bûn.

Di merasîmê de endama Meclisa Malbatên Şehîdan Sûreye Hebeş axivî. Sûreye Hebeş wiha got: "Em soz didin ku wefadarên xwîna şehîdan bin. Ji bo pêkanîna armancên wan em ê heta dilopa xwînê ya dawîn têbikoşin."

 Piştre wesîqeya şehadetê ya şehîd Karker Efrîn hate xwendin û radestî malbata wî hate kirin.

Cenazeyê şehîd di nav dirûşmeyên "Şehîd namirin" û tilîliyên dayikan de hat veşartin.